Sat11182017

Last update03:57:49 PM GMT

Font Size

Profile

Menu Style

Cpanel

வீரப்போர்!

  • PDF
alt
பரங்கிப்பேட்டை வெள்ளாற்ற கரையிலும் ஊரை ஒட்டியும் வீர மகன் ஹைதரின் 18,000 வீரர்கள் சுற்றிலும் மணற்குன்றுகளை அமைத்து இரண்டு புறமும் துப்பாக்கி படையுடனும், நடுவில் குதிரை படையுடனும் முகாமிட்டு இருந்தனர்.
 
அன்று கிழக்கே உதித்த சூரியனும் கடலும் நடக்க போவதையெண்ணி சிவந்தும் அலையில்லாமலும் இருந்தன. பரங்கிப்பேட்டையின் ஆறும் கடலும் சேர்ந்த முகதுவாரத்தில் ஆங்கிலேயரின் 8,000 வீரர்கள் மற்றும் துருப்புக்களுடன் முகாமிட்டு இருந்தனர். கடலில் அவர்களுக்கு துனையாக போர்க்கப்பல் ஒன்றும் நின்று இருந்தது.
 
1 ஐூலை 1781 அன்று அதிகாலை 9 மணிக்கு ஹைதரின் துப்பாக்கி படையினர் முதல் துப்பாக்கி பிரயோகம் தொடங்கினர் உக்கிரமாக போர் தொடங்கியது.
 
ஹைதரின் படை கிர்ரம் சாயப் தலைமையில் போரிட்டது. கரையிலிருந்தும் கப்பலில்லிருந்தும் ஆங்கிலேயரின் பீரங்கி தாக்குதல் தொடங்கினர். நயவஞ்சக ஆங்கிலேயரின் பதுங்கு குழிகளில் இருந்து கொடுத்த தாக்குதலை சமாளிக்க முடியாமல் ஹைதரின் குதிரை படை சிதறியது. ஒரே சமயத்தில் துப்பாக்கி படையும் பிரங்கி தாக்குதலில் கிர்ரம் சாயப் கொல்லப்பட்டார். குதிரை படை சிதறியதும் கலாட்படை மிக மோசமாக அடிவாங்கி பின் வாங்கி ஹைதரின் படை கர்நாடகம் சென்றது.
 
இந்த போரை Cuddalore Dc Bussy page no 155, The battle of Portonovo was one of the most critical that was ever bought in India என்று விவரிக்கிறது.
 
ஹைதர் படை பரங்கிப்பேட்டையில் வெற்றி பெற்று இருந்தால் முடிவு வேறு மாதிரி இருந்திருக்கும். ஹைதர் அலி தன் அண்ணனுடன் சதாரண சிப்பாயாக மைசூர் படையில் சேர்ந்து படிப்படியாக தன் வீரத்தால் குதிரை படை தளபதியாக பதவி உயர்வுப்பெற்று தேவனஹல்லி போரில் சிறப்பாக போரிட்டதுக்கு பரிசாக திண்டுக்கல்லை நிர்வகிக்கும் பொருப்பை பெற்றார்.
 
இயல்பிலேயே பெரும் வீரனான ஹைதர் பிரெஞ்சு ஆங்கிலேயர்களை போல் பிரங்கிக்கு தனிப்படை நிறுவி பயிற்ச்சி அளித்தார். வெடிமருந்தை இரும்பு குழாயில் தினித்து அதை ஏவும் நுட்பத்தை அறிமுகப்படு்த்தினார். (missile இதை ஹைதரின் மகன் திப்புசுல்தான் மேலும் மேம்படுத்தி ஆங்கிலேயரை நடுங்க செய்தார் அதில் வெடிக்காததை கைப்பற்றி முயற்சித்ததுதான் தான் இன்றைய நவீன ராக்கெட்).
 alt
மைசூர் அரசு பலம்குன்றி தன் ஊழியர்களுக்கு சம்பளம் தரமுடியாத தருணத்தில் தலையிட்டு தன் பணத்தை வழங்கி மைசுர் அரசை அகற்றி தான் பொருப்பேற்று கொண்டார். அரசு பொருப்பேற்ற பிறகு ஏற்பட்ட முதலாம் மைசுர் போரில் ஆங்கிலேயரை தோற்கடித்தார். பிரன்ச் அதிகாரிகளை கொண்டு பயிற்சி கொடுத்து ஆங்கிலேயருக்கு இனையாக ராணுவம் வைத்து இருந்தார். அப்போது அவரிடம் ஒப்பந்தம் செய்து கொண்ட ஆங்கிலேயர்கள் அதை கடைபிடிக்காத காரணத்தால் இரண்டாவது மைசுர் தொடங்கி நான்கு வருடம் நடந்தது.
 
வெற்றி செய்திகள் கிடைத்து கொண்டு இருந்தபோதே நோயுற்று இருந்த ஹைதர் தனது 60 வது வயதில் டிசம்பர் 6ந்தேதி 1782 மைய்யத் ஆனார். அவர் இறந்தாலும் என்றும் மறவாத அவர் புகழ் பரங்கிப்பேட்டையர் நெஞ்சில் வாழும்.  நோன்பு மாதமாம் ரமலான் மாதத்தில் அவரது புகழை நினைவு கூறுவோம்.
 
கட்டுரை: தி.வேல்முருகன் (https://www.facebook.com/allimurugan)
ஆதாரம்: விக்கி & Cuddalore Dc Bussy 
படம்:  போர்நி னைவு சின்னம் பின்னால் தெரிவது கொடி மரம் மற்றும் போர் நடந்த இடம்
 
ஊரின் சிறப்புகள் உங்கள் ஆதரவு இருந்தால் தொடரும்.....

செவ்வாய்க்கிழமை, 14 ஜூன் 2016 13:14 அன்று இறுதியாக இற்றை செய்யப்பட்டது

Comments  

 
+1 # maraicar 2016-06-20 14:58
தெரிந்து கொள்ளவேன்டிய அற்புதமான பதிவு
Reply | Reply with quote | Quote
 

Add comment


Security code
Refresh